• Penodi archwilwyr allanol i bob cyngor a chorff GIG yng Nghymru.
• Sicrhau fod yr archwilwyr apwyntiedig yn cydymffurfio a'r Côd Ymarfer Archwilio sy'n nodi sut y dylid cynnal yr archwiliad ac adrodd ar ei ganlyniadau. Mae'r Comisiwn yn asesu gwaith yr archwilwyr yn erbyn y safonnau a nodir yn y Côd drwy gynnal adolygiadau rheoli safon.
• Ymchwilio a chyflwyno adroddiadau yn genedlaethol i helpu i wella gwasanaethau cyhoeddus yng Nghymru.
• Cynnal arolygiadau o lywodraeth leol. Mae hyn yn cynnwys arolygiadau fel rhan o'r Rhaglen Cymru ar gyfer Gwella (WPI), arolygiadau ar y cyd o wasanaethau cymdeithasol gydag Arolygiaeth Gwasanaethau Cymdeithasol Cymru ac arolygiadau awdurdodau addysg gydag Estyn.

Byddwn yn parhau i weithio'n agos â'n cydweithwyr yn y Comisiwn Archwilio yn Lloegr a rhannu arfer da a dealltwriaeth ar draws gwasanaethau cyhoeddus. Ar y run pryd, byddwn yn sicrhau bode in gwaith archwilio a gwella wedi'i anelu at wasanaethau cyhoeddus yng Nghymru.

Ein lleoliad

Rydym yn cyflogi oddeutu 180 o bobl sy'n gweithio o'n prif swyddfa yng Nghaerdydd a swyddfeydd rhanbarthol yng Nghaerfyrddin a Glannau Dyfrdwy. Ond mae'r rhan fwyaf o'n gweithwyr yn gweithio mewn lleoliadau priodol eraill - o fewn swyddfeydd cynghorau, cyrff iechyd, awdurdodau tân a heddlu a pharciau cenedlaethol ledled Cymru.

Sut i gysylltu â ni

Am fwy o wybodaeth am waith y Comisiwn Archwilio yng Nghymru neu am fanylion am eich archwiliwr allanol lleol, cysylltwch â ni Gwybodaeth cysylltu. Mae taflen sy'n dwyn y teitl Cyfrifon Cynghorau: Eich Hawliau yn nodi hawliau'r cyhoedd a phwerau'r archwiliwr a gellir cael copi ohoni o'r un cyfeiriad.

Nid wnelo'r hawliau statudol yma gyda'r archwiliad o gyrff y GIG. Fodd bynnag, mae gan y cyhoedd yr hawl i roi gwybodaeth i archwilwyr cyrff y GIG ar unrhyw amser - ac i archwilwyr awdurdodau lleol - a fyddai'n gadael iddo/iddi wybod am ganlyniad cyffredinol unrhyw ymchwiliadau dilynol o'r materion a godwyd.

Gwrth-dwyll a llygredd

Mae'r Ddeddf Datgelu er Lles y Cyhoedd 1998 yn rhoi amddiffyniad i staff awdurdodau lleol a chyrff y GIG sy'n 'chwythu'r chwiban' ar dwyll, llygredd a diffyg gwerth am arian o fewn yr awdurdod sy'n eu cyflogi. Fe all Uned Gwrth-Dwyll a Llygredd y Comisiwn weithredu fel y 'person penodedig' yn ôl y Ddeddf i dderbyn gwybodaeth gan gyflogedigion sy'n teimlo fel na allent ddatgelu dim drwy weithdrefnau mewnol yr awdurdod sy'n eu cyflogi. Mae yna linell ffôn pwrpasol sy'n cael ei ateb gan staff y Comiswin Archwilio sydd wedi cael eu hyfforddi i ddelio gyda'r fath alwadau. Os hoffech gofnodi rhagdybiaeth o dwyll, llygredd neu diffyg gwerth am arian, cysylltwch a ni ar 020 7630 1019.